– Matter som avlastar trykket på beina. Justerbare spesialstolar. Stylter når arbeidet krev det. Den store installatørverksemda YIT satsar mykje på å betre arbeidsforholda for dei tilsette, skriv Idebanken.no.
Nils Kristian Ødegård er montør i YIT. Han har fått stylter å gå på når han skal montere klimaanlegg.
– Før var eg veldig mykje opp og ned trapper når eg skulle montere klimatak. Eg fekk problem med knea mine, og måtte ta pause støtt og stadig. Knea blei verre og verre etter kvart. Etter at eg fekk styltene blei vanskane nesten borte.
